Денес беа одиграни првите натпревари од Купот на Македонија од првата фаза, а во рамки на истата Работнички со 0:16 буквално го „распадна“ третолигашот Карбинци кој беше повеќе од инфериорен противник на теренот.
Двојни стрелци за тимот од Дебар Маало беа Николовски, Асани, Жаку, Хоџа и Далеи, а по еден гол постигнаа Демири, Мециновиќ, Кадриу, Ангелов, Елези и Бошнаков.
Македонија ЃП со 0:14 го декласираше третолигашот Љуботен, а стрелци во убедливата победа за „лавовите“ беа Христов со три гола, Маркоски, Адем и Талаков со по два гола, а по еден имаа Џангаровски, Елмас, Ристевски и Рамиќ.
Детонит Плачковица патува во следната фаза од Купот откако со 1:4 славеше над Башкими од Јаболчиште.
Филиповски, Смилков, Лиманов и Јанев беа стрелци за радовишани, а за домаќинот погоди Јашари.
Брегалница со 0:6 славеше над третолигашот Победа од Валандово со погодоци на Демири, Темелков, Калпачки, Иванов и Тасев, а пак Мадевски си постигна автогол.
Силекс со 1:7 славеше над третолигашот Евротип со погодоците на Беровиќ и Алиќ, двата гола на Говерарица и трите гола на Хрвановиќ, а за домашниот тим погоди Марцевски.
Второлигашот Охрид го исфрли прволигашот Брера Струмица преку пенал серијата откако во регуларниот дел беше 1:1. Марио Митев во 3. минута погоди за 0:1, а пак новото засилување Иван Глигоров во 74. минута погоди за 1:1 во регуларниот дел.
Во пенал серијата за Охрид погодија Парталко, Димитриевски, Глигоров, Попоски и Каланоски, а пак за Брера Струмица погодија Ристов Велков и Михаилов, а пак Хассан промаши.
