Денеска, на првиот натпревар од четвртиот натпреварувачки ден од Охридскиот ракометен турнир „Крсте Андоновски“, Динамо од Србија направи сензација и не дозволи да биде поразен од македонскиот шампион Еурофарм Пелистер.
Гледавме еден интересен и многу возбудлив натпревар, со голема желба и жар. Иако се бореше до самиот финиш, дури и имаше водство, младата екипа на Динамо, освои голем бод. По натпреварот, за МВП беше избран токму нивниот голман- Никола Чировиќ. Тој, во кратка изјава ги сподели своите импресии за Спортска Мрежа, по натпреварот.
„Па нема што..беше јак натпревар уште од почетокот, мислам дека, сепак ја заслуживме победата, но на крајот сме задоволни со овој бод. Покажавме уште еднаш дека можеме да се бориме со секоја екипа. Млад тим сме, навистина покажавме и карактер, сила, и квалитет..овие момци имаат уште многу да покажат“, рече Чировиќ.
Исто така, ги сподели и своите импресии од турнирот во Охрид.
„Турнир како турнир, феноменално е тука, има силни екипи..остана тој жар за оваа победа, но ништо..што е, тука е..одиме напред“, истакна голманот, кој беше извонреден на голот на својот тим, со 16 интервенции.
