Охрид запиша уште една убедлива победа на меморијалниот турнир „Крсте Андоновски“, совладувајќи го српскиот шампион Партизан со 30:25.
Избраниците на Борис Ројевиќ блеснаа на паркетот во „Билјанини Извори“, пред домашната публика, наметнувајќи целосна доминација во текот на целиот натпревар.
По мечот, за Спортска Мрежа изјава даде ракометарот Иван Тасески, кој истакна дека одбраната била клучот за победата.
„Одиме натпревар по натпревар, се подготвуваме за секој натпревар како да е првенство. Нова екипа сме, се воигруваме доста..влеговме доста мотивирано во натпреварот, изигравме добра одбрана, а еден натпревар се добива токму со добра одбрана и полесни голови со контра- напад и полу- контра. Може да се каже дека сите дишеме како еден, и тие што се на клупа, и тие што се во игра..сите даваат и поддршка, а и максимум на теренот.“, изјави Тасески.
Во петок, охриѓани ќе го одмерат силите против хрватскиот вицешампион Нексе Нашице во меч кој може да биде решавачки за пласманот во финалето.
