Охрид со убедива победа над Киндил Торшавн од Фарски Острови го отвори меморијалниот турнир „Крсте Андоновски“ пред домашната публика, откако мечот го доби со убедливи 39:25.
Натпреварот помеѓу домаќинот на турнирот- Охрид и екипата на Киндил Торшавн започна со благо водство на охриѓани, па така, кон средината на првото полувреме, домашните водеа со 10:7 во ,, Билјанини Извори ”, пред својата публика.
На десетина минути пред крајот на првиот дел, Охрид поведе со 14:8, и тогаш за првпат во натпреварот домаќините имаа плус шест. До крајот на полувремето се редеа шутеви и одбрани на двајцата голмани, но домашниот тим цело време го одржуваше водството, па така на полувреме имаа резултат 21:13 во нивна корист.
По 37 минути игра, Охрид дојде до најголемо водство од десет гола разлика, односно резултат – 26:16. „Гладијаторите“ во вториот дел имаа постојана двоцифрена предност.
На крај конечниот исход беше превисока победа за Охрид од 39:25 над Киндил Торшавн кој немаше сили за расположениот и силен „гладијаторски“ тим.
За МВП на натпреварот беше прогласен Дејан Кукулоски од екипата на Охрид, во однос на стрелците, Гал Цирар имаше пет гола кај ГРК Охрид, кај екипата на Киндил, Тисе имаше шест погодоци.
