Денес се игра големото финале на турнирот во мал фудбал во дебарското село Долно Косоврасти, а во кое на мегдан одат екипите на Тим Хазал и Минти Транс.
Во полуфиналниот меч екипата на Минти Транс го прегази тимот на Иљазоски Компани откако славеше со убедливи 4:0, а благодарение на двојните стрелци Алден Јонузоски и Мерсим Јонузоски кои ја тресеа мрежата на противникот.
Екипата на Тим Хазал се намачи во полуфиналето откако беше подобра во пенал-серијата, славејќи над Коко Бар.
Во регуларниот дел беше 1:1, за Тим Хазал погоди Салмир Асаноски, а пак за екипата на Коко Бар прецизен беше Елвир Џемаилоски.
Во пенал серијата подобар беше Тим Хазал со 2:1 и со тоа патува во големото финале.
Финалниот меч започнува во 18:30 часот, а претходно се игра мечот за трето место меѓу Коко Бар и Иљазоски Компани.
Спортска Мрежа е медиумски покровител на овој спортски настан во дебарското село Долно Косоврасти, а се очекува многу публика која ќе го проследи финалето од турнирот во мал фудбал, која има голема традиција.
