Машката одбојкарска репрезентација на Македонија утринава отпатува за Атина, каде утре во 19 часот по македонско време ќе се соочи со Грција во еден од клучните натпревари во квалификациите за пласман на Европското првенство 2026.
„Спартанците“ под водство на селекторот Јошко Миленковски ќе се обидат да го изненадат ривалот, кој на првиот дуел во Скопје славеше со 3-1 во сетови. Македонија има три бода од два одиграни натпревари и ќе се бори за второто место во групата, кое носи пласман на Европското првенство.
Во моментов, македонската одбојкарска репрезентација е петта меѓу најдобрите второпласирани тимови и го држи последното место кое обезбедува директна виза за континенталниот собир.
Средбата со Грција е закажана за среда, а четири дена подоцна ја пречекуваме селекцијата на Грузија, која ја победивме со убедливи 3-0 на гостински терен.
