Второлигашот Слога Виница промовираше нови три засилување – станува збор за Божидар Митревски, Давор Богевски и Јован Постолов.
Митревски кој е дефанзивен играч од средниот ред има 24 години, тој е всушност повратник во Виница, а за Слога настапуваше во период од февруари 2022 до јули 2022 година, а сега доаѓа од второлигашот Детонит Плачковица од Радовиш.
Низ својата кариера беше дел од Скопје, Силекс, Тетекс, Вардар и Работнички, а меѓународна кариера градеше во Словенија и Бугарија.
Богоевски доаѓа од редовите на прилепска Победа, има 18-години и важи за талентиран фудбалер, а станува збор за дефанзивен играч од средниот ред.
Постолов кој има 19 години доаѓа од Брера Струмица и го засилува средниот ред на Слога Виница. Се работи за талентиран играч кој ќе биде големо освежување и засилување за тимот од Виница. Тој потекнува од Академија Постолов од Штип, беше од Кит Го Пехчево и Брегалница Штип, а во Брера Струмица настапуваше од февруари 2022 година.
Новата сезона екипата на Слога Виница ја отвара против Скопје во Автокоманда со мечот од првото коло на 23 август.
