Официјално екипата на Преспа од Ресен ќе игра во Втората македонска фудбалска лига во новата сезона 2025/2026, откако екипата на Беса се откажа од понатамошно натпреварување.
Преспа минатата сезона беше шампион во Трета лига – Југозапад, но во баражот загуби од Слога Виница со 3:0, а потоа немаше среќа во ждрепката од поразените екипи.
Но, сега откако и официјално Беса се откажа од натпреварување, екипата од Ресен го доби местото меѓу второлигаши со што ресенчани во новата сезона ќе гледаат второлигашки фудбал на градскиот стадион, а тоа што Спортска Мрежа ексклузивно прва го најави се оствари, а тоа е дека Преспа ќе игра во Втора лига.
Според информациите на Спортска Мрежа клубот од Ресен ги започнува подготовките за новата сезона во Втората лига, во следниот период ќе биде познат планот за подготовки и нови засилување. Спортска Мрежа најавува емисија од Ресен за Преспа.
Во првото коло екипата на Преспа ќе игра со Шкендија Арачиново.
