Сè е подготвено за почетокот на 53. издание на Струшкиот ракометен турнир.
Традицијата продолжува – Струга повторно ќе биде домаќин на еден од најдолговечните и најпрестижни ракометни турнири во Европа. Организаторите привршуваат со финалните подготовки за годинашното, 53-то издание, кое ќе се одржи на добро познатото игралиште „Горан Попоски Бабец“.
На турнирот ќе настапат шест тимови – четири од Македонија и две од странство, што ветува интересни и возбудливи натпревари во текот на четирите дена.
По извлекувањето на групите, веќе е познат и комплетниот распоред на дуелите.
Турнирот започнува со дербито на езерото – Струга ќе се сретне со Охрид во воведниот натпревар, а истиот ден ќе играат и Бутел Скопје и српскиот Раднички Крагујевац.
Натпреварите ќе се одиграат од 13 до 16 август, според следниот распоред:
- 13 август
18:30 | Струга – Охрид
19:55 | Свечено отворање
20:40 | Бутел Скопје – Раднички Крагујевац
- 14 август
18:30 | Тиквеш – Раднички Крагујевац
20:40 | Охрид – Бурса
- 15 август
18:30 | Струга – Бурса
20:40 | Тиквеш – Бутел Скопје
- 16 август
10:30 | Натпревар за 5. место
18:30 | Натпревар за 3. место
20:40 | Финале
