Повратникот во Втората лига, екипата на Слога Виница се засили со двајца нови играчи за новата сезона.
Станува збор за Давид Дебрешлиоски и Сухејб Рушити, кои во пакет доаѓаат од редовите на Детонит Плачковица од Радовиш.
24-годишниот Рушити кој е дефанзивен играч од средниот ред покрај за Детонит Плачковица за кој клуб настапуваше од август 2023 заклучно со мај 2025 година, беше дел и до Гостивар, Скопје, Вардар Форино, Шкупи и Металург.
Дебрешлиоски е млад играч кој има 20 години, а кој е офанзивен играч од средниот ред. Покрај за Детонит Плачковица, настапуваше и за Победа, кој е негов матичен клуб, како и за поранешниот второлигаш Братство од Житоше.
Новата сезона започнува на 23 август, а тимот од Виница кој го води Емил Грнев ќе гостува во Автокоманда кај Скопје.
