Првото воведно коло од новата сезона на Првата кошаркарска лига беше отворено со три натпревари.
Бранителот на титулата МЗТ Скопје со убедлива победа од 59:95 го декласираше Шкупи за успешно отварање на новата сезона. Во текот на целиот меч шампионот доминираше, а во втората четвртина само девет поени успеа да постигна домашниот тим, наспротив 22-та поени на гостинот.
Андоновски постигна 21 поен, Маслинко имаше 17 реализации кај победничката екипа, кај Шкупи најдобар беше Арчи со 18 поени.
Работнички тргна со победа откако со 90:85 славеше над Феникс кој пружи силен отпор. Возбудлив меч со резултатски пресврти, за на крај Работнички да слави триумф.
Првата четвртина Работнички ја доби со 33:19, а веќе во втората Работнички беше декласиран со 8:35. Во третата четвртина Работнички се разбуди и заигра одлично со 25:14, а последната заврши со 24:17 за конечни 90:85.
Ѓуроски со 28 поени беше најдобар кај Работнички, а кај Феникс тоа беше Грент со 37 поени.
ТФТ Скопје преку пресврт на полуреме запиша победа од 81:70 над новиот прволигаш МКК Куманово. Резултатски мечот се движеше со 20:20 во првата четвртина и 15:17 во втората. Во третата четвртина ТФТ Скопје ја доби со 23:20, а последната ја доби со 23:13 што беше клучна за победа на домашниот тим.
Говенс имаше 23 поени за победничкаа екипа, а пак Тадиќ имаше 25 поени за Куманово.
Денес Вардар ќе игра против Гостивар, Тиквеш ќе биде домаќин на Пелистер, а пак Чаир со Кожув.
