Фудбалскиот клуб Силекс донесе ново засилување во своите редови. Станува збор за 22-годишниот босански интернационалец Едис Бутуровиќ, кој ќе го засили дефанзивниот ред на кратовскиот прволигаш.
Бутуровиќ игра на позицијата централен дефанзивец (стопер) и во Силекс доаѓа од босанскиот клуб Игман Коњиќ. Со своето искуство од Премиер лигата на БиХ, се очекува да внесе стабилност и сигурност во одбраната на Силекс, во пресрет на новата сезона во Првата македонска фудбалска лига.
Клубот од Кратово продолжува со засилувања со цел да изгради конкурентен тим кој ќе се бори за високи позиции во домашниот шампионат.
