Прва лигаФудбал

Пелистер го претстави Лука Булатовиќ како петто засилување: Чест ми е што ќе го носам дресот на клуб со толкава традиција

Сподели
ФОТО: ФК Пелистер
Сподели

Македонскиот прволигаш Пелистер продолжува активно да го засилува составот за новата сезона, а најново име во редовите на битолскиот клуб е српскиот офанзивец Лука Булатовиќ.

Станува збор за 27-годишно десно крило, кое може да дејствува и по левата страна на нападот. Булатовиќ потпиша едногодишен договор со „зелено-белите“, а во Битола доаѓа од словенечкиот второлигаш Горица, каде минатата сезона одигра 29 натпревари, постигна седум гола и забележа шест асистенции.

Во својата кариера, српскиот интернационалец настапуваше и за Раднички Сремска Митровица во Србија, како и за неколку грчки екипи, меѓу кои АЕ Лефкимис, Амврак Лутру и Македоникос Неаполис.

„Кога го добив повикот од Пелистер, почувствував голема чест и привилегија, и многу брзо постигнавме договор. Клуб со голема традиција и свесен сум за тежината на дресот. Подготвен сум да го дадам својот максимум за овој клуб, градот и луѓето во него. Ќе се потрудам заедно со моите соиграчи и стручниот штаб да ги постигнеме целите на клубот“, изјави Булатовиќ по потпишувањето на договорот.

Пелистер досега ги претстави и Немања Здравковиќ, Стефан Спировски, Петар Ристиќ и Марјан Ристовски како нови имиња, со што клубот јасно го најавува својот амбициозен пристап кон новата сезона.

Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Ракомет

Битола слави голема победа – Еурофарм Пелистер со неверојатен пресврт го урна германски Гумерсбах!

Битола вечерва повторно ја почувствува магијата на големите европски ракометни вечери! Еурофарм Пелистер приреди вистински спектакл во салата „Боро Чурлевски“, совладувајќи го германскиот...

Ракомет

Андоновски: Со борба до последен здив за секоја топка, одиме по првата сезонска победа против Струга!

В сабота од 18 часот салата „Млаз“ во Богданци повторно ќе се наполни до последното место за мечот меѓу Младост и Струга од...

Поврзани написи
Втора лигаФудбал

Беласица ќе добие нов тренер, Раде Цицмиловиќ поднесе оставка поради лични причини

Второлигашот Беласица ќе добие нов тренер откако Раде Цицмиловиќ поднесе оставка и...

ФудбалЧетврта лига

Маџари го доби дуелот со Гоце Делчев, Зелениково со пет гола за Ускуп, лидерот Бујковци до три бода

Четири домашни и една гостинска победа го одбележаа осмото коло во Четвртата...

ФудбалФутсал

Шкупи во финишот до три бода, Форца со 15 гола против Клими, Осогово до голем триумф!

Поранешниот шампион Форца со неверојатни 15:1 го „разнесе“ Клими од Кавадарци во...

✕
error: Содржина е заштитена! Се забранува копирање на истата!