Македонија Ѓорче Петров го засили дефанзивниот ред со колумбискиот стопер Хозе Кабаркас. „Лавовите“ денеска го претставија новиот играч, кој пристигнува како слободен агент, откако последно настапуваше за Депортиво Кали.
За 24-годишниот Кабаркас ова ќе биде прво интернационално искуство, со оглед дека досега играше само во својата родна Колумбија, каде ги бранеше боите на Квиндио и Кали.
Клубот од Ѓорче Петров се подготвува за враќањето во Првата македонска фудбалска лига, а Кабаркас е седмо ново име ова лето. Со засилувањата и амбициозната стратегија, Македонија ЃП јасно става до знаење дека во новата сезона ќе атакува на повисок пласман и стабилна позиција во Првата лига.
