Второлигашот Детонит Плачковица продолжува со нови засилувања, клубот од Радовиш гради конкурентен тим со кој одново ќе се бори за горниот дел од табелата и одново „жолто-плавите“ ќе биде конкурентни за висок пласман.
Детонит Плачковица носи големо засилување за новата сезона, се работи за искусниот Зоран Андонов кој доаѓа од прволигашот Брера Струмица и ќе биде големо и квалитетно засилување, со што дефинитивно квалитетот на Детонит Плачковица ќе биде на многу повисоко ниво, сигурно повисоко и од минатата сезона.
Левиот бек ќе биде капително засилување за Радовиш, 25-годишниот струмичанец е всушност повратник во Детонит Плачковица, бидејќи дресот на радовишани го носеше во период од август 2022 до јануари 2023 година, а во неговата кариера настапуваше за Брегалница, Кит Го од Пехчево и Беласица.
Претходно, Детонит Плачковица се засили со искусниот Сашко Дуков, Филип Ѓорѓиевски, Мартин Мисердовски и Јасин Казимоски, како и со повратникот Стефан Бабунски и Тино Спасиќ.
Како што дознава Спортска Мрежа раководството на Детонит Плачковица води преговори за уште неколку квалитетни засилувања, па ќе се потврди дека радовишкиот второлигаш одново ќе има тим за високи дострели.
