Второлигаш Брегалница добива големо засилување за новата сезона, 23-годишниот Анџело Николовски се враќа во својот матичен клуб, каде што и ја започна својата фудбалска приказна, дознава Спортска Мрежа.
По успешната сезона во редовите на Македонија ЃП, во која запиша три погодоци и девет асистенции, Николовски повторно ќе биде дел од тимот на Брегалница кој под водство на стратегот Влатко Костов ги започнува подготовките за сезоната 2025/26.
Николовски се враќа во старото јато, ср враќа во родниот град и ќе го носи дресот на матичниот клуб.
Николовски кој игра како лев бек, а може и како лев стопер беше на радарот на екипи од Косово и Македонија, но искусниот фудбалер се одлучи да ја прифате понудата на Брегалница и да се врати во матичниот клуб.
Во својата досегашна кариера, покрај Брегалница и Македонија ЃП, Николовски настапуваше и за Детонит Плачковица, Гостивар и Кит Го.
Денес е закажана прес-конференцијата на Брегалница, а на која ќе бидат претставени официјално новата управа и новиот стручен штаб, засилувања, планови и цели.
Стартот на подготовките за новата сезона е закажан за денес.
