Екипата на Шкупи продолжува со формирање конкурентен тим за новата сезона и го официјализираше новото засилување во одбраната. Клубот од Чаир постигна договор со искусниот дефанзивец Арсим Љамалари, кој пристигнува како слободен играч.
Последен клуб на Љамалари беше Беса од Добри Дол, но по испаѓањето на тимот од Првата лига, дефанзивецот реши да побара нов предизвик. Станува збор за искусен 31 годишен стопер добро познат на домашната сцена – досега има настапувано за Силекс и Скопје, а својот квалитет го покажал и надвор од Македонија, со настапи за неколку клубови во Турција.
Со своето искуство и дефанзивна стабилност, Љамалари ќе биде значаен адут за тренерот на Шкупи во предизвиците кои следуваат.
