Второлигаш Брегалница најавува почеток на нова ера со целосно освежена структура и јасна визија за иднината. Клубот, кој зад себе има богата историја и традиција, тргнува со нови луѓе, амбиции и идеи за враќање на старите сјајни денови.
Утре, со почеток од 13 часот, на Градскиот стадион во Штип ќе одржат официјална прес-конференција на која ќе бидат претставени новиот сопственик, новото раководство, како и новиот шеф на стручното раководство – Влатко Костов.
Костов, кој е познат по својата посветеност и резултати на македонската фудбалска сцена, ќе има задача да го врати Брегалница на патеките на успехот и да создаде тим кој ќе се бори за враќање во елитата.
Покрај официјалната промоција на новите клучни луѓе во клубот, раководството на Брегалница ќе ги претстави и своите амбиции, проектите за стабилизација и напредок на клубот, како и плановите за засилување на тимот. Детално ќе бидат претставени насоките во кои ќе се движи клубот во следниот период, како и стратегијата за создавање конкурентен состав кој ќе атакува на највисок пласман во Втората лига.
Брегалница се надева дека со новата организација и енергија ќе го врати интересот и поддршката од фановите и пошироката спортска јавност, а Штип повторно ќе добие клуб кој ќе биде гордост на градот.
