Министерот за спорт, Борко Ристовски, вчера беше во Негорските бањи и ги посети кошаркарските репрезентативци кои во Гевгелија се подготвуваат за настапот во втората фаза од претквалификациите за Светскиот Куп 2027.
На покана на претседателот на Македонската кошаркарска федерација, Томе Главчев, Ристовски присуствуваше и на попладневниот тренинг на сениорската репрезентација, при што на играчите и на стручниот штаб им посака многу среќа и успех во натпреварите што ги очекуваат во август.
Притоа, министерот имаше можност да се увери во условите што ги нуди спортскиот комплекс „НБ Ноел“ во Негорски бањи, кој е база на нашата најдобра селекција. Заедно со претседателот Главчев, тој се запозна со содржините и капацитетите на комплексот, кој според нивните впечатоци нуди одлични услови за подготовка на еден национален тим.
