Берово во следниот период повторно ќе биде фудбалски епицентар! Почнува четвртото издание на популарниот Малеш Куп, турнирот во мал фудбал кој секое лето ја обединува спортската јавност и ги собира најдобрите екипи од регионот.
Вечерва, со почеток од 19:00 часот во City Pub – Берово, ќе се одржи ждребката за групите, на која сите пријавени екипи треба да испратат свој претставник. Групите ќе бидат формирани, а турнирот официјално започнува во недела, на 20 јули, на теренот кај Старата Гимназија во Берово.
Натпреварите ќе стартуваат од 19:00 часот, а веднаш по нив следува журка со беровската група “ТХЕ ШТЕКИЦА” – вистинско отворање за паметење!
Наградниот фонд годинава е мотив повеќе за сите учесници:
🥇 Прво место – 110.000 денари
🥈 Второ место – 60.000 денари
🥉 Трето место – 30.000 денари
🏅 Четврто место – 10.000 денари
Ќе бидат доделени и признанија за најдобар стрелец, најдобар голман и најдобар играч на турнирот.
Спортска Мрежа, медиумски покровител четврта година по ред, ќе биде на лице место за да ги пренесе сите возбудувања од Малеш Куп 2025 – турнирот што секогаш носи страст, ривалства и фудбалски спектакл!
