Прволигашот Истатов за новата сезона во Првата женска фудбалска лига промовираше ново засилување. Се работи за 15-годишната талентирана Весна Милојевиќ, која доаѓа од редовите на второлигашот Борец од Велес.
Милојевиќ важи за голем фудбалски талент, а која сега ќе има голема можност за напредок во својата кариера, во клубот кој е предводен од искусниот стратег Кирил Изов.
ЖФК Истатов годинава прославува десет години од своето постоење, клуб посветен на развојот на младите фудбалски таленти со правилна селекција и одлична, темелна работа, а клуб кој во минатото ја има освоено шампионската титула и Купот на Македонија.
Спортска Мрежа во следниот период ќе реализира емисија посветена на ЖФК Истатов, почетоците, успесите, развојот на клубот и една целосна ретроспектива на сите случувања во овие десет години, како и за плановите во иднина.
