Тимот на ФК Пелистер за сезоната 2025/26 е засилен со уште едно квалитетно и искусно име од македонските фудбалски терени. Нов член на битолскиот прволигаш е Марјан Ристовски, кој потпиша договор на една година со клубот.
Станува збор за 28-годишен страничен фудбалер со богато искуство во Првата македонска лига. Ристовски е роден во Гевгелија, а во кариерата има настапувано за Кожуф, Тиквеш, Борец, Работнички, Силекс, Вардар, Брера Струмица, како и за грчка Кавала. Во домашниот шампионат досега има одиграно 124 натпревари и постигнато 20 голови. Во есенскиот дел од минатата сезона, за Брера Струмица запиша 14 настапи.
Марјан Ристовски е третото засилување на Пелистер ова лето, по ангажманот на Стефан Спировски и Петар Ристиќ, со што клубот продолжува да го зајакнува тимот за претстојната сезона во Првата лига.
