Со три интересни натпревари и многу голови, вчера започна јубилејното 25-то издание на Меморијалниот турнир „Влатко Петров“ во Чардаклија. Публиката уживаше во возбудливи дуели, одлични потези и неизвесност до последните минути.
- Резултати од првата вечер (14 јули – понеделник):
Техногума – Перо и Тајфата 2:4
Џоле Транс Коп – МАГНА 11:5
Динамо Штип – Хемија 4:4
Дуелите донесоа динамичен фудбал, а Џоле Транс Коп се истакна со убедлива победа, додека Динамо Штип и Хемија одиграа еден од највозбудливите натпревари на вечерта со реми исполнето со многу шанси.
- Втора вечер – Најава за натпреварите од вторник (15 јули):
20:00 Мршевци – Благица Kitchen
20:50 Мршевци – Шкорпион
21:40 Компанија Атанасовски – Бако Транс
22:30 Компанија Атанасовски – Перо и Тајфата
Вечерва следуваат четири натпревари, а во акција ќе ги видиме Мршевци кои ќе одиграат два меча во истата вечер, како и амбициозната Компанија Атанасовски, која се најавува како еден од фаворитите во својата група.
Спортска Мрежа го поддржува овој турнир од 2022 година.
