По денешната ждрепка во Виена, познати се двојките за второто коло од ЕХФ Европскиот Куп.
Може да се каже дека македонскиот претставник, ГРК Охрид, имаше среќа при извлекувањето и доби ривал ,,по мерка”— тимот на Баку од Азербејџан.
Охриѓани најпрво ќе гостуваат во Баку, а потоа ќе го пречекаат ривалот на домашен терен.
Извлекувањето на овој ривал, за Охриѓани, може да се смета како солидна можност за пласман понатаму, но секако, потребен ќе биде максимален ангажман во двата натпревара.
Првите натпревари се закажани за 11/12 октомври, додека реваншите ќе се играат една недела подоцна, на 18/19 октомври.
