Со три натпревари вчера започна новата сезона во Општинската фудбалска лига во Кичево или Четврта лига по ранг на натпреварување, а првото коло ќе се комплетира денес со мечот меѓу Ѕиѕа и Бек со почеток од 14 часот.
Најинтересно и највозбудливо беше на мечот меѓу Ускана и Кичево, каде паднаа седум погодоци за триумф на гостинот од 3:4.
По првите 45 минути игра екипата на Кичево имаше предност од 1:3, а во вториот дел продолжија погодоци и неизвесноста. Филип Стојаноски постигна гол во 17. минута за 0:1, а три минути подоцна Улли Челику израмни на 1:1. Сепак по само осум минути игра Стојаноски постигна гол за 1:2, а во 39. минута стрелаше одново за 1:3 на полувреме, со што Стојаноски во првиот дел постигна хет-трик.
На стартот од вториот дел Стојаноски по четврти пат ја стресе мрежата на противникот за 1:4. Ваквиот резултат ја разбуди Ускана која преку Јон Османи во 66. минута намали на 2:4, а во 79. минута преку втор гол на Челику на 3:4. Сепак до крајот од мечот Ускана немаше сили за реми или евентуално изненадување, па трите бодови одат на контото на Кичево.
Екипата на Олимпик Старс со минимални 1:0 славеше над тимот на Гоце Делчево од Другово со гол на Бојан Пејоски во 88. минута од мечот, а истиот беше постигнат од белата точка.
На теренот во Лисичани се одигра мечот меѓу Колари и Братсво кој заврши без победник со четири погодоци за конечни 2:2.
Верим Далипи погоди во 29. минута за 1:0 на полувреме во полза на Колари. Во вториот дел Братство направи комплетен пресврт преку Архим Миртоски за 1:1, а преку Нуре Незироски за пресврт и водство од 1:2. Во 90. минута Ајдин Арслани постигна гол за конечни 2:2.
Колото ќе се комплетира денес во 14:00 часот со мечот меѓу Ѕиѕа и Бек, а во однос на листата на стрелци најдобар е Филип Стојаноски од Кичево со четири погодоци, а два гола има Улли Челику од Ускана, додека пак шест фудбалери се запишаа во листата на стрелци со по еден гол.
