Со три натпревари во сабота и три натправари во недела од првото коло ќе започне новата сезона во Првата кошаркарска лига на Македонија.
Актуелниот шампион МЗТ Скопје одбраната на титулата ја започнува против новиот прволигаш Шкупи на домашен терен, ТФТ Скопје дома ќе игра против новиот прволигаш Куманово, а пак Работнички ќе се соочи со екипата на Феникс. Овие натпревари се играат во сабота.
Во недела Чаир на домашен терен ќе игра против Кожуф, Тиквеш во Кавадарци ќе се соочи со екипата на Пелистер, а пак екипата на Вардар ќе ги одмери силите со Гостивар.
Како што веќе објави Спортска Мрежа и во новата сезона ќе настапуваат 12 екипи, со тоа што првите осум екипи од регуларниот дел обезбедуваат плеј-оф, а последните четири патуваат во плеј-аут, каде ќе бодат борба да се избегнат последни две места кои водат кон испаѓање во Втората кошаркарска лига.
