Турнирот во мал фудбал што се играше под рефлектори во општина Конче заврши со триумф на Фенербахче Кичево, кои во големото финале славеа над Фреит Оне со 5:2.
Одличен и атрантивен натпревар кој се одигра пред повеќе од 1.000 посетители. Првиот дел од натпреварот заврши без погодоци и чисти мрежи со шанси и на двете страни.
Стартот од вториот дел донесе два брзи гола за екипата на Фенербахче Кичево, која потоа постави одлична резултатска подлога и ја зголемуваше предноста, а на крај конечниот исход беше 5:2.
Во мечот за трето место радовишкиот тим Фурна Марфи дојде до триумф од 3:1 над Фенербахче Струмица.
🎖️ Индивидуални признанија:
Најдобар голман: Димитар Ѓоргиев
Најдобар играч: Горан Коцевски
Најдобар стрелец: Димитар Јанев
Со ова заврши уште едно успешно издание на реномираниот турнир кој годинава го одбележа своето 28-то издание, во организација на ФК Серта, а со поддршка од локалната самоуправа и медиумско покровителство од Спортска Мрежа. Публиката имаше можност да ужива во квалитетен фудбал, спортски дух и богата програма со награди и активности.
Вечерва беа доделени многу награди за публиката, беше организирана лотарија каде главната награда беше смарт телевизор, а општина Конче уште еднаш потврди дека е максимално посветена на спортот и сака развојот на истиот на многу повисоко ниво.
Турнирот уште еднаш ја потврди улогата на Конче како спортски центар во регионот.
Во текот на следните денови ќе имате мега галерија од турнирот која ќе биде достапна на нашите социјални мрежи, како и видео од најдобрите моменти и погодоци, но и од самата атмосфера и доделување на наградите.
