Македонските фудбалски прволигаши Пелистер и Струга Трим Лум одиграа контролен натпревар во Битола во рамките на подготовките за новата сезона во Првата македонска фудбалска лига. Натпреварот, кој се одигра на стадионот „Петар Милошевски“, заврши со победа на гостите од Струга со резултат 1-3.
Новото име на клупата на Пелистер, Димитар Капинковски, ги искористи двете полувремиња за да ротира и тестира два различни состави. Единствениот погодок за „зелените“ го постигна капитенот Мирко Ивановски, кој погоди во првото полувреме.
Струга го покажа своето европско искуство и квалитет, а стрелци на головите беа Радески, Зенку и Османи. По првите 45 минути резултатот беше 1-2 во корист на стружани, а Османи во вториот дел го постави конечниот резултат.
И двата клуба продолжуваат со интензивни подготовки за сезоната 2025/26, во која влегуваат со големи амбиции и цели за висок пласман.
