Започна пријавувањето за едно од најочекуваните спортски случувања во регионот – меморијалниот турнир во мал фудбал „Алмир Ибески – Алмо 2025“, кој традиционално се одржува во чест на Алмир Ибески во прилепското село Дебреште.
Пријавите се веќе во тек, а сите заинтересирани екипи можат да се пријават најдоцна до 24 јули 2025 година (до 19:00 часот). Веднаш потоа, во 20:00 часот, ќе се одржи ждрепката за натпреварите.
Турнирот започнува на 26 јули 2025 година, а бројот на екипи е ограничен на 32, поради што се препорачува навремено пријавување.
- Наградниот фонд годинава изнесува вкупно 410.000 денари, распределени на следниот начин:
Прво место – 240.000 денари
Второ место – 100.000 денари
Трето место – 60.000 денари
Четврто место – 10.000 денари
- Дополнително, ќе бидат доделени и индивидуални признанија:
Најдобар играч – 6.000 денари
Најдобар голман – 4.000 денари
Котизацијата по екипа изнесува 8.000 денари, а натпреварите ќе се играат со професионални судии и според бод систем.
За пријавување и повеќе информации, обратете се кај Ерсан Алиоски на телефонскиот број 071 833 620.
И оваа година, продолжува успешната соработка со Спортска Мрежа, која повторно ќе биде медиумски покровител на турнирот, обезбедувајќи професионална медиумска покриеност и редовно информирање од сите натпревари. Подгответе се за уште едно незаборавно фудбалско лето во Дебреште!
