Македонскиот младински репрезентативец Марко Алчевски е нов член на српскиот фудбалски прволигаш ОФК Белград, клуб со богата историја кој ова лето активно се засилува за новата сезона во Суперлигата на Србија.
Алчевски, кој има 23 години, пристигнува во српската престолнина како позајмен фудбалер од Хапоел Ерусалим, член на израелската елитна лига. Договорот е потпишан на една сезона, со важност до летото 2026 година.
Зад себе, младиот голман има 17 официјални настапи за младинската репрезентација на Македонија до 21 година, а сè уште чека на дебито во сениорскиот дрес на националниот тим.
Во Белград, Алчевски нема да биде сам – ќе му се придружи и Стефан Деспотовски, уште еден македонски репрезентативец кој веќе една полусезона е дел од ОФК. Со нивниот ангажман, клубот добива силна македонска врска и дополнителен квалитет меѓу стативите и на бековската позиција.
ОФК Белград со ова покажува јасна амбиција да биде конкурентен во новата сезона, а Алчевски ќе има можност да се наметне и да стекне дополнително меѓународно искуство во една од најтврите балкански лиги.
