Се поблиску е стартот на традиционалниот турнир во мал фудбал „Ораовица 2025“, кој ќе се одржи по повод големиот празник Илинден. Турнирот важи за еден од најпрестижните и најдобрo организирани во земјава, а тоа го потврдуваат и самите играчи кои со години се дел од ова спортско случување.
Горан Коцевски, еден од играчите што во минатите изданија оставија силен впечаток.
„Овој турнир секогаш носи посебна енергија – одлична организација, силна конкуренција и уште подобра публика. За нас играчите, ваков турнир е повеќе од игра – тоа е прилика да се дружиме и да покажеме што знаеме на теренот. Очекувам возбудлив турнир, со квалитетни екипи и фер игра. Се надевам дека ќе покажеме добра игра со мојата екипа и ќе ја одбраниме титулата. Им посакувам среќа на сите екипи – нека победи најдобриот.“
И додека екипите активно се подготвуваат, пријавувањето за турнирот е во тек и трае до 14 јули. За сите што сакаат да бидат дел од оваа спортска приказна, котизацијата за учество изнесува 4.000 денари. Турнирот ќе започне на 15 јули, а финалето ќе се одигра на 2 август, на самиот ден на Илинден.
Оваа година повторно е обезбеден висок награден фонд од 325.000 денари:
Прво место – 180.000 денари
Второ место – 85.000 денари
Трето место – 40.000 денари
Четврто место – 20.000 денари
Свој впечаток сподели и Марио Благојевски, долгогодишен учесник и добитник на наградата за најдобар играч:
„Со играње фудбал почнав од мал, прво со голем фудбал потоа и како футсал играч. За турнирот во Ораовица сакам да кажам дека е еден од подобрите организирани турнири во Македонија како финансиски така и организациски. Организацијата секогаш била фер, коректна и излегла во пресрет како на мојата екипа така и на останатите натпреварувачки екипи. Турнирот го имам освоено неколку пати, меѓу кои една година ја понесов наградата за најдобар играч на турнирот. Атмосферата на трибините е одлична, поготово во нокаут фазата, се надевам дека оваа година заедно со мојата екипа ќе изиграме фудбал на највисоко ниво и секако дека целта ни е освојување на турнирот.“
Дополнително, организаторите отворија категории и за пионерски тимови:
Родени 2010–2013
Родени 2014–2018
За пријавување, екипите може да се јават на:
078 433 987
071 250 418
072 595 863
Спортска Мрежа годинава за првпат ќе биде медиумски покровител на турнирот, што значи дека публиката ќе добие професионално покривање на натпреварите, резултатите и најинтересните моменти од секоја вечер.
Организатор на турнирот е ФК Изведен, со поддршка од Општина Радовиш како генерален покровител.
