По три одиграни кола во Трета лига – Исток екипата на Слога од Виница која е предводена од штипскиот стратег Емил Грнев е на врвот од табелата со максимални девет бодови на своето конто.
Некогашниот второлигаш од Виница го има најефикасниот напад со постигнати 14 погодоци, а има примено само два погодоци што има позитивна гол разлика од +12.
Дополнително Слога Виница која е главен фаворит за првото место и баражот за Втора лига ги има и најдобрите стрелци во своите редови. На листата на најдобри стрелци во Трета лига – Исток се Октај Амедов и Игор Ѓорѓиев со по четири постигнати погодоци.
Петар Илиев од Дојранско Езеро и двајцата фудбалери на Овче Поле, Дарко Нацев и Димитар Стојановски имаат по три погодоци.
Осум фудбалери имаат постигнато по два погодоци, а Живко Гоцев од Хоризонт Турново засега е единствениот со постигнат автогол.
