По шест одиграни кола во Втората лига време е за кратка анализа. Лидер на табелата е штипска Брегалница со 14 бодови, во врвот од табелата е навистина густо еден кикс може да направи промени, секој натпревар сам по себе е важен за екипите кои конкурираат за местата за Прва лига.
Македонија ЃП е втора со 13 бодови, колку што има и Башкими кој е на третото емсто, а пак Кожуф и Арсими го делат четвртото место со по 12 бодови. Детонит Плачковица е на 6. место со 11 бодови, а пак Новаци е седми со 10 бодови.
Саса се проби до осмата позиција со осум бодови, а пак Скопје и Охрид го делат деветтото место со по седум бодови.
Беласица се’ уште нема триумф и се наоѓа на единаесеттото место со пет бодови, колку што има и Осогово. Победа е на тринаесеттото место со четири бодови колку што има и Вардар Неготино кој е во бараж зоната.
Борец е во зоната за директно испаѓање како претпоследен со три бодови, а два бодови има Вардарски кој е последен и не знае за триумф.
Од аспект на статистиките Кожуф го има најефикасниот напад со постигнати 13 погодоци, а двоцифрен број на постигнати погодоци имаат Македонија ЃП и Арсими, сите останати екипи имаат едноцифрен број на погодоци.
Токму од овие три екипи доаѓаат и најдобрите стрелци во Втората лига. Дарко Грозданоски од Кожуф е најдобар стрелец со седум погодоци, Симеон Христов е втор со шест погодоци, а настапува за Македонија ЃП, фудбалерот на Беласица, Димче Јовов има пет гола, а пак Аљбин Рамадани од Арсими има постигнато четири гола.
Најслаба одбрана има Вардарски која на шест меча примила 13 гола, со лоша одбрана е и Борец и Осогово со примени 11 погодоци, а двоцифрен број на погодоци прими и Вардар Неготино вкупно 10.
Во следниот период Башкими и Вардар Неготино ќе треба да играат на други терени, бидејќи нивните се суспендирани од страна на ФФМ и тоа може да има влијае.
Беласица дури во седмото коло против Каменица Саса ќе ја бара првата радост, а пак Вардарски го очекува тешко гостување кај Арсими што ќе биде навистина тешко гостинот од Богданци направи изненадување и дојде до прва сезонска радост.
