Валандово во новата сезона ќе следи третолигашки фудбал, откако Победа се врати во Третата македонска фудбалска лига – Исток.
Клубот ќе започна подготовките за новата сезона под водство на новиот тренер Кристијан Ристов.
По неколку сезони пауза одново се враќа третолигашкиот фудбал во Валандово, на Градскиот стадион ќе се следат третолигашки натпревар од Истокот, а клубот е екипиран со млади играчи, а ќе има уште неколку засилувања со што Победа максимално подготвена ќе влезе во новата сезона.
Според информациите на Спортска Мрежа клубот ќе одигра и неколку пријателски натпревари, договорен е пријателски натпревар со второлигашите Беласица, а се чека на потврда за пријателски со Кожуф и Детонит Плачковица.
Исто така, според информациите на Спортска Мрежа ќе се разгледува опција и за одигрување на уште неколку пријателски натпревари и со третолигаши од други региони.
Новата сезона во Трета лига – Исток ќе започне на 7 септември, а ќе се натпреваруваат 12 клубови, за што веќе информираше Спортска Мрежа. Покрај Победа Валандово повратник во лигата е и екипата на Рудар од Пробиштип, Вардарски минатата сезона испадна од Втора во Трета лига – Исток, а останатите екипи се Брегалница Делчево, Хоризонт Турново, Овче Поле, Карбинци, Дојранско Езеро, Светлост Зрновци, Малеш, Ударник и Тиверија.
