Младиот и талентиран Мартин Богданоски фудбалската кариера ќе ја продолжи во македонскиот фудбал, откако 21-годишниот се врати од Австралија.
Се работи за одличен фудбалер кој својата кариера ја започна од битолски Пелистер, потоа беше дел од второлигашот Новаци, по што направи трансфер во Престон во Австралија.
Богданоски сега се враќа во мак-фудбалот, а според информациите на Спортска Мрежа, за Богданоски има интерес од неколку македонски прволигаши, но и повеќе второлигаш.
Во следниот период Богданоски, кој може да игра на левата и десната стоперска позиција, но и како лев бек ќе треба да ја избере најдобрата опција за продолжување на својата кариера.
