Возбудата на Меморијалниот турнир во мал фудбал „Благој Истатов 2025“ продолжува со неизвесни дуели, пресврти и борба за секој бод. И оваа вечер донесе нова доза драма на теренот во Чифлик маало во Струмица.
Екипата на Црна Река со 2:5 загуби од екипата на Украс ИНГ, со што запиша важни и големи бодови.
Во вториот настап за вечерта, Црна Река одигра далеку подобро, запиша победа над Христ Мил со 4:3, во натпревар полн со енергија, брзи контри и возбудлива завршница.
Победа вечерва запиша и тимот на Пица Ресторан Дивино Босилово, кој со 3:0 го совлада тимот на Але Дар Премиум, во натпревар каде контролата и ритамот беа на страна на Дивино од самиот почеток.
Младински категории – Термални Оранжерии го запреа непоразениот Тигри
Во натпревар од младинските категории, тимот на Термални Оранжерии прикажа одлична игра и го совлада составот на Тигри со високи 8:1.
Следете ги сите резултати, табели, фотографии и вести ексклузивно на Спортска Мрежа, медиумски покровител на Меморијалниот турнир „Благој Истатов 2025“.
