Со одигрување на првите два натпревари, вечерва и официјално започна 28-то издание на „Петровденскиот турнир“ во мал фудбал, кој традиционално се одржува под рефлектори во општина Конче.
Во воведниот меч на турнирот, екипата на Фурна Марфи прикажа офанзивна партија и славеше против Валентина Промент со резултат 8:4.
Во вториот натпревар од вечерта, домаќините од Конче беа поуспешни од Стивал Лубница, триумфирајќи со 4:1, на радост на домашната публика која во голем број присуствуваше на отворањето.
Турнирот продолжува со натпревари во наредните денови, а финалето е закажано за 12 јули – на празникот Петровден. Турнирот годинава се игра во организација на ФК Серта – Конче, со учество на екипи и играчи од цела Македонија.
„Спортска Мрежа“ ќе обезбеди целосна медиумска покриеност од сите натпревари, резултати и анализи.
