Српскиот ракометар, Дарко Ѓукиќ, повторно ќе биде дел од македонската Суперлига. По една сезона помината во романскиот Динамо Букурешт, искусното десно крило стави потпис на договорот со Охрид и ќе биде дел од тимот во наредните две сезони.
Ѓукиќ, кој има 30 години, има богато интернационално искуство зад себе. Првпат се појави на македонската ракометна сцена како играч на Металург, каде пристигна од српски Железничар.
Подоцна ја продолжи кариерата во клубови како Бешикташ, Киелце, Мешков Брест и Спортинг Лисабон, а од 2021 до 2024 година го носеше дресот на Вардар.
Со неговото доаѓање, Охрид јасно ја покажува сериозноста во подготовките за новата сезона.
Клубот веќе ангажираше неколку звучни имиња, меѓу кои се Давид Савревски, Бојан Блажевски, Анте Иванковиќ, Стефан Петриќ, Тилен Стрмљан, Предраг Вејин, Николаос Лапис и Ориол Реј Моралес.
