Македонскиот прволигаш Шкупи го претстави своето најново засилување за претстојната натпреварувачка сезона. Иако тимот од Чаир оваа година нема да настапува на европската сцена, клубот активно го оформува ростерот со амбиција за силен настап во домашното првенство.
Нов член на Шкупи е дваесет и две годишниот германски голман Максимилијан „Макс“ Гроте, кој во Скопје пристигнува со солидно искуство од германскиот фудбал. Својата кариера ја започнал во младинските категории на Мајнц 05 и Вехен Висбаден, а сениорски настапи бележи во клубовите ФВ Енгерс 07 и Рот-Вајс Кобленц, каде има над 40 официјални меча.
Од клубот изразија задоволство од новото засилување и веруваат дека Гроте ќе донесе стабилност, сигурност и смиреност во задната линија.
