Второлигашот Билјанини Извори продолжува со промоција на нови засилувања за новата сезона во Втората женска фудбалска лига. Ново име во охридскиот клуб е Зорица Бојкова, 18-годишна фудбалерка од Струмица.
Низ својата кариера Бојкова настапуваше за Тиверија Брера од каде и ја започна својата кариера, потоа беше дел радовишка Плачковица, од каде премина во редовите на прилепска Цевитана, а потоа одново се врати во Плачковица.
Претходно, како што веќе информираше Спортска Мрежа, екипата на Билјанини Извори се засили со Мелани Крстовска која дојде од Плачковица, Јана Ацковска од Слободен и Ивана Николовска од Топ Гол.
