Вечерва ги добивме и последните два патници во четвртфиналето на „Црнилиште Куп 2025“, тоа се екипите на Галатасарај и Озан Ајаз кои на убедлив начин стигнаа до „виза“ за следна фаза.
Екипата на Галатасарај одигра одличен меч со одлична и допадлива игра во која уживаше публиката, а во меч на кој паднаа пет погодоци за убедлив триумф од 4:1 над Виена Комерц.
Во вториот меч беа постигнати 11 погодоци, а екипата на Озан Ајаз со 4:7 беше подобра против Каришиќ Бау за чекирање во четвртфиналето.
Веќе се познати и двојки за четвртфиналето, а која фаза стартува веќе утре.
Со почеток од 20 часот утре во првиот меч Галатасарај ќе се соочи со Озан Ајас, во вториот меч од 20:45 часот Фасада Чајник оди на мегдан со Роденденски Пињати.
Во третиот меч кој ќе започне во 21:25 часот екипата на Даути Градба ќе игра против Фенербахче, а пак во 22 часот Zgjimi Kompani ќе ги одмери силите со Пилана Жарко.
Победниците од утрешните мечеви ќе обезбедат пласман во полуфиналето. Спортска Мрежа е медиумски покровител на овој голем фудбалски спектакл.
