Одбојкарската федерација на Македонија, во соработка со општина Тетово, од 25 до 27 Јуни ќе организираат БВА Балкански шампионат во одбојка на песок за играчи и играчки до 22 години, кој ќе се одржи на градскиот плоштад во Тетово.
На ова натпреварување ќе учествуваат осум машки и седум женски екипи од Македонија, Албанија, Косово, Турција, Романија и Молдавија, претставувајќи вистинска летна атракција за сите љубители на одбојката.
Според програмата, утре и во четврток претпладне ќе се одржат прелиминарните натпревари, додека четврток попладне се планирани елиминациите. Петок е резервиран за финалните натпревари и доделувањето на медалите.
Одбојкарската федерација и општина Тетово како технички организатори го прилагодија градскиот плоштад во Тетово во специјален терен за одбојка на песок, кој во наредните три дена ќе биде центар на спортските возбудувања.
