Македонскиот фудбалер Марко Ѓорѓиевски имаше одличен настап на своето деби за романскиот прволигаш Клуж, постигнувајќи гол на пријателскиот натпревар против Слован Братислава, кој заврши со победа од 4-2 за неговиот тим.
Клуж го отвори резултатот уште во 11. минута преку Постолачи, но Слован успеа да израмни на 1-1 со погодок на Толиќ. Романскиот тим брзо ја врати предноста, Паун погоди за 2-1, а потоа Постолачи со својот втор гол ја зголеми разликата на 3-1 пред крајот на првото полувреме.
Во второто полувреме, Слован намали на 3-2 преку Стрелец кој реализираше пенал, но во самиот финиш на натпреварот, Ѓорѓиевски стави печат на победата. Во 92. минута го постигна својот прв погодок во дресот на Клуж и го заокружи својот одличен прв настап.
Одличен старт за младиот македонски интернационалец, кој најави дека ќе биде сериозно засилување за Клуж во новата сезона.
