Во рамки на шестото коло на Втората лига се одигра дербито во Гевгелија меѓу Кожуф и Детонит Плачковица, каде немаше победник (0:0), со по еден црвен картон на двете страни.
Во Богданци повратникот Вардарски се соочи со ланскиот прволигаш Македонија ЃП, каде лавовите со головите на Христов и Размоски стигнаа до победа од 0:2.
Каменица Саса на свој терен го пречека одличниот Арсими каде Саса со пресврт стигна до победа од 2:1. За Саса стрелаа Димески и Симевски, а за гостите Цуцули.
На Градскиот стадион во Кочани екипата на Осогово го пречека Борец каде жетварите славеа со голот на Симоски.
Во Прилеп силите ги одмерија Победа и Охрид каде Дуков обезбеди победа за гостинот од 0:1.
Вардар Неготино како домаќин играше на СЦ „Пандев“ во Струмица откако теренот во Неготино го суспендираше ФФМ поради инцидентите кои се случија по завршувањето на мечот со Охрид во рамки на 4. коло. Вардар Неготино преку соопштение се извини за инцидентите, но сепак и покрај тоа ќе мора да настапува надвор од Неготино. На денешниот меч Вардар Неготино играше против тимот на Башкими, каде исходот беше победа за Башкими од 0:1 со голот на Хамза.
Инаку и теренот на Башкими е суспендиран, па со тоа и второлигашот од Куманово како домаќин ќе мора да игра на друг терен.
Новаци доби службени три бодови од дуелот со Македонија ЃП, па тоа за нив е повеќе од важно во обид за што повисок пласман на второлигашката табела. Денес Новаци на домашен терен силите ги одмери со струмичка Беласица каде 0:0 беше исходот
На „Железарница“ во Автокоманда силите ги одмерија екс прволигашите Скопје и Брегалница, во меч каде исходот беше 0:0.
