Повратникот во Првата футсал лига на Македонија, екипата на Проект од Валандово за новата сезона промовираше три нови засилувања. Станува збор за Андреј Јаневски, Никола Анчевски и Трајче Димитриев.
25-годишниот Јаневски игра и голем фудбал, во моментот настапува за некогашниот прволигаш Еуромилк ГЛ, а тој се очекува во Проект да биде освежување во тимот и да донесе дополнилна енергија во предизвиците во новата сезона, во која Проект ќе атакува на освојување на шампионската титула.
Анчевски е поранешен капитен на У-19 футсал репрезентацијата на Македонија, во редовите на Проект доаѓа од екипат на Бутел, а во минатото има настапувано и за екипата на Железарец.
19-годишниот Димитриев ја има поминато фудбалската школа на Брера, голем фудбал има играно за струмичка Тиверија, а се очекува да биде одлично освежување во тимот на Проект за новата сезона.
Како што веќе информираше Спортска Мрежа, новата сезона од Првата футсал лига на Македонија ќе започне на 5. октомври. а во рамки на првото коло Проект ќе гостува кај Црна Река во Кавадарци.
