Младите македонски пливачи Никола Ѓуретановиќ (17 години) и Петар Цеков (16 години) испишаа нова страница во македонското далечинско пливање, поставувајќи нови државни рекорди на Националното првенство.
Ѓуретановиќ постави апсолутен национален рекорд на 5 километри со време од 55:10 минути, додека Цеков го оствари најдоброто време во категоријата 16–17 години – 55:40 минути. Со овие резултати, двајцата пливачи се искачија меѓу најдобрите на европската сцена, постигнувајќи второ најдобро време во Европа во своите возрасни категории (U18 и U17).
Овие успеси се потврда за посветената работа и напредокот на младите пливачки таленти во Македонија, кои ветуваат блескава иднина за националниот спорт.
Виолета Јанчева, Спортска Мрежа
