Македонија ремизираше на арената „Тодор Проески“ со Белгија со откако одгира 1:1 во рамки на третиот меч од квалификациите на Светското првенство 2026, но можеме да жалиме за овој резултат, бидејќи имавме можност и да го добиеме мечот.
Белгија тргна одлично во Скопје и прва се закани кон голот на македонската репрезентација, правеше притисок и како фаворит бараше и брз гол.
Македонија чекаше свои шанси, најзрелата дојде во 27. минута од мечот кога Елмас погоди во стативата по еден маестрален шут, а потоа на одбиената топка налета Алиоски кој веднаш биеше и во тој празен агол од голот, но ја погоди стативата, ова беше најзрелиот момент за Македонија да дојде до водство.
Веднаш потоа следуваше казната и Белгија поведе во Скопје со голот на Де Кујпер, а по асистенција на Ромелу Лукаку.
На стартот од вториот дел селекторот Благоја Милевски се одлучи да менува, Јане Атанасов излезе од игра, а на негово место влезе Агон Елези.
Почетокот на второто полувреме донесе голема шанса за Македонија откако Елмас ја стресе мрежата на Белгија за 1:1, но по прегледот во ВАР собата голот беше поништен поради офсајд, па така Белгија остана на минималната предност од 0:1.
Во 62. минута во шеснаесетникот беше соборен Чурлинов на што реагираа и македонските репрезентативци за досудување на удар од белата точка, но судијата беше дециден дека ситуацијата е чиста.
Голманот Столе Димитриевски беше на вистината на задача и имаше одлични интервенции во текот на целиот меч.
Во половината на вториот дел се играше отворена игра со шанса и на двете страни, а Алиоски во финишот на мечот ја стресе мрежата на Белгија за конечни 1:1 и поделба на бодовите.
Македонија го зашиша второт реми во квалификациите откако претходно триумфураше над Лихтенштајн во гости, а дома одигра 1:1 со Велс.
Следен предизвик за Македонија ќе биде гостувањето во Астана в понеделник против Казахстан.
