Македонскиот прволигаш Работнички официјално го назначи Бојан Маркоски за нов шеф на стручниот штаб. Тој доаѓа на местото на Горан Станиќ, кој одлучи целосно да се посвети на обврските во младинската репрезентација на Македонија.
За Маркоски ова ќе биде голем предизвик, особено со оглед на тоа што клубот ќе се натпреварува во квалификациите за Конференциската лига на УЕФА. Неговата прва задача ќе биде подготовката на тимот за европските настапи, но и одржување на високото ниво на резултати кое Работнички го постигна изминатата сезона.
Под водство на Станиќ, „романтичарите“ завршија на третото место во Првата македонска фудбалска лига и обезбедија излез во Европа.
Клубот веќе најави амбициозни планови за новата сезона, а Маркоски ќе има клучна улога во реализацијата на тие цели.
Виолета Јанчева, Спортска Мрежа
