Комесарот за делегирање на судии во Трета лига – Запад, Музафер Исмаили за Спортска Мрежа зборуваше за сезоната која измина со фокус на судењето односно делењето на правдата.
Како што вели Исмаили за Спортска Мрежа тој е задоволен од судењето во овој третолигашки регион.
„Јас сум задоволен од судиите кои ја делеа правдата изминатата сезона во Трета лига – Запад. Ја користам оваа прилика да му честитам на ФК Тетекс за влезот во Втората лига и да им посакам успеси во иднина“, вели Исмаили за Спортска Мрежа.
ОФС Тетово имаше распишано конкурс „Биди и ти фудбалски судија“ со цел привлекување на нови и млади судии, но како што вели Исмаили интересот бил мал.
„Имавме распишано конкурс за нови и млади судии, но интересот беше многу мал“, ни изјави Исмаили.
Во Трета лига – Запад шампион беше екипата на Тетекс која во баражот го совлада Големо Коњари преку пенали и направи експресен кам-бек во Втора лига.
