Вечерва во 17:30 часот ќе се одигра големото финале од ракометниот Куп на Македонија меѓу Вардар и Еурофарм Пелистер со што ќе има нов освојувач на Купот, откако вчера Алкалоид беше елиминиран од Вардар преку пенали.
Спортската сала „Билјанини Извори“ ќе „крца“, ќе биде исполнета до последното седиште, а атмосферата во салата ќе биде неверојатна бидејќи ќе бидат присутни и двете навивачки групи „Чкембари“ и „Комити“.
Секако во салата ќе бидат и сите љубители на ракометот од Охрид и оние кои ќе допатуваат во градот покрај езерото.
Како што веќе објави Спортска Мрежа големото дерби на „вечните“ ќе го судат интернационалните судии Димитар Митревски и Благојче Тодоровски.
